عبدالله ’اثر‘ چانڊيو

چانڊيو، عبدالله ’اثر‘: سنڌ جو ناليوارو، شاعر، تعليمدان، تصوف ۽ تفسير جو ڄاڻو عبدالله ’اثر‘ ولد الهڏنو چانڊيو، 14 جولاءِ 1930ع ڌاري لاڙڪاڻي جي ڳوٺ ٻيڙي چانڊيي ۾ ڄائو. هن 1936ع ۾ سنڌي فائنل پاس ڪئي. ان کان پوءِ ٽريننگ ڪاليج لاڙڪاڻي ۾ استاد مقرر ٿيو، جتان ترقي ڪري اي. ڊي. آءِ. ايس (سپروائيزر) مقرر ٿيو، هن نوڪريءَ دوران پنهنجي تعليم پڻ جاري رکي. ايم. اي سنڌي فرسٽ ڪلاس فرسٽ ۾ پاس ڪيائين. لاڙڪاڻي جي علمي ادبي ادارن جو ميمبر، سرگرم ڪارڪن ۽ سرپرست رهيو، بزم سچل لاڙڪاڻي جو صدر رهيو. نصاب ڪميٽيءَ جو ميمبر هو. پختو شاعر هو. مسدس، مثنويون، مرثيا، قطعا، رباعيون، سه حرفيون ۽ نعتون لکيائين. سخن گوئيءَ ۾ ’اُثر‘ تخلص ڪتب آڻيندو هو. سندس نعتيه ديوان ’ذڪر حبيب‘ گهڻو مشهور ٿيو، هن: ’قصيده بانت سعاد‘، ’قصيده غوثيه‘ ۽ ’قصيده برده‘ جا منظوم ترجما به ڪيا. عبدالله ’اثر‘ 26 ڊسمبر 1976ع تي وفات ڪئي.

داخلا ۾ استعمال ٿيل تاريخون

1930.07.14  عيسوي

شاعر، تعليمدان، تصوف ۽ تفسير جو ڄاڻو عبدالله ’اثر‘ ولد الهڏنو چانڊيو، 14 جولاءِ 1930ع ڌاري لاڙڪاڻي جي ڳوٺ ٻيڙي چانڊيي ۾ ڄائو.

1976.12.26  عيسوي

عبدالله ’اثر‘ 26 ڊسمبر 1976ع تي وفات ڪئي.

شاعر - ڀاڱي جون ٻِيون داخلائون